21 Ott Destìin Purchìin
Posted at 12:28h
in Dialètt Carpṡaan
Alóora .. i mée ragàas …stèe mò a sintìir …
L è mèi èsser …
impichèe cóome un salàam?
faat su cóme ’na còppa?
strichèe su cóome un cudghìin ?
insachèe cóome un salùmm ?
còot cóome un persùtt ?
schisèe cóome un grasóol (cicciolo)?
Ṡgranfgnèe da un feliino?
ungèe cóome un Ṡampòun?
graas cóome la pansètta ?
infumanèe cóome al spècch?
sfaṡulèe cóome ’na salsissa?
sfetlèe cóome ’na spaala?
o èsser
bèel ciùunt cóome ’na murtadèela ?
…
Dgii mò la vòostra …
…
Mè? … Mè a gh ò bèlle pinsèe …
Fà purr quèll te voo,
mò a la fìin t ii sèmmper ciavèe!
A cura di Mauro D’Orazi, hanno contribuito Marco Giovanardi, Luisa Pivetti, Jolanda Battini e Graziano Malagoli.
Mauro D’Orazi
Esperto in Dialetto Carpigiano